Жолтата боја се нарекува боја на Сонцето. Оваа боја е многу топла и се смета дека привлекува само убави работи во животот. Колоритната терапија ги користи нијансите на жолтата боја за да ги насмее и усреќи луѓето.
Кога станува збор за уредување на ентериерот, жолтата боја создава чувство на топлина и комфор.
Жолт тепих, жолти ѕидови, ламби и други детали во жолта боја ја стимулираат активноста на мозокот и ги поттикнуваат луѓето на разговор.
Ентериерот со жолта боја може да има и контра ефект доколку имате премногу елементи во оваа нијанса.
Користете ги жолтите нијанси за да го освежите просторот. Жолтите парчиња мебел совршено се согласуваат со белите ѕидови или некоја друга нежна боја.
Најдобро е да купите софа во жолта боја или пак помали детали како што се ламба, огледало, ѕиден часовник или рамки за слики. На тој начин ќе внесете радост и позитивна енергија во домот.
