Прва и најважна работа е да водите дијалог со колегите, а не монолог. Дозволете и на другите да дојдат до збор и да го искажат своето мислење.
Не е никаква новост дека многу луѓе поголемиот дел од денот го поминуваат на работа отколку дома, па логично e дека колегите од работа на некој начин стануваат како „второ семејство“, некој на кој би можеле да му веруваме.
Поради тоа е важно меѓучовечките односи во работната атмосфера да функционираат како што треба и сите да се чувствуваат добро.
Нема многу полоши работи од тоа да морате секој ден со „грч во стомакот“ да одите на работа и со чувство на непријатност.
За да избегнете такво нешто, еве неколку чекори кои можете да ги преземете за да имате добри односи со колегите.
За почеток, секогаш работете го она што сте го ветиле, бидејќи тоа е единствениот начин колегите да ве доживеат како доверлива личност.
Не е ниту помалку важно да разговарате со другите и да покажете интерес за приватните проблеми за колегите.
Луѓето ја ценат умерената љубопитност (на пример да знаете дали вашата колешка има деца или живее сама, дали е вегетаријанка и слично). Затоа, кога можете, „олесните“ им се на колегите.
Ако, на пример, воочите дека некој од вашите колеги се чувствува несигурно или остава таков впечаток, помогнете му и потсетете го на неговите предности и успеси.
Во превод, бидете сочувствителни, бидејќи и на вас сигурно некогаш ќе ви се случи да дојдете нерасположени на работа.
Немојте постојано да зборувате само за себе и да им влегувате на другите во збор, туку дозволете им и на другите да го кажат своето.
Многу е важно да не се преценувате, односно ценете ја помошта од колегите и кога тоа некој ќе го направи истакнете го јавно.
Немојте да ги преземате сите заслуги лично, бидејќи тоа воопшто не е фер, а не е ниту пристојно. Бидете колегијални луѓето тоа ќе го препознаат и ќе знаат да го ценат.
На кратко, во работата, токму како и во животот, не им го правете она на другите што не би сакале некој да ви го прави на вас.