Дури и ако сте во врска со некого со години, па дури и ако сте апсолутно сигурни дека ќе го поминете остатокот од животот со таа личност, може да биде тешко да се одлучите кога е време за свршувачка.
Тоа е голема одлука и дефинитивно не сакате да ја сфатите лесно, на крајот на краиштата, никогаш не можете да бидете 100 проценти сигурни кога е најдобро да го поставите прашањето или да го кажете судбоносното „да“, само треба да бидете сигурни дека сте подготвен да се обидете.
Последното нешто што сакате да направите е да избрзате со вашата одлука.
Не постои конкретно правило кое го одредува точното време за запросување, но запознавањето најмалку една година пред да го направите следниот чекор е во корелација со поуспешни бракови.
Колку подолго сте заедно, толку се поголеми шансите за долготрајна заедница, истражувањето вели дека оние кои се свршиле по три или повеќе години имаат 39 отсто помали шанси да се разведат од оние кои се забавуваат само една година, пишува Brides.
Исто така, важно е да бидете сигурни дека „фазата на меден месец“ е завршена. Во раните фази на вашата врска, промените во вашите хормони може да предизвикаат да гледате низ „розови очила“, што значи дека ги зголемувате вредните квалитети на вашиот партнер и ги занемарувате сите црвени знамиња. Според психолозите, фазата на меден месец трае од шест месеци до две години.
