Стандардното правило за кратење на косата е на секои шест недели, но ретко некој оди толку често.
Понекогаш минува и повеќе време бидејќи мислите дека нема потреба за потстрижување. Кои знаци предупредуваат дека е време да ја скратите косата?
Косата не расте
На растот на косата влијаат неколку фактори. Ако внимавате на влакната, забележите дека расте од корен но не добива реална должина, тоа може да биде така поради нездравите врвови. Дури и ако врвовите не се толку оштетени, суви и кршливи, нема да поттикнат видлив раст на косата.
На почеток, може да користите различни производи за да ги скриете, но откако ќе ја преминете точката на вистинско оштетување, веќе нема враќање и најдобро решение е потстрижувањето.
Користите премногу топлина
Не е тајна дека честото фенирање доведува до мртви врвови, сува коса и коса без сјај. Ако веќе секојдневно го правите тоа, треба и почесто да ја пострижувате косата.
Косата изгледа неуредно
Долгата, виткана коса има тенденција добро да го прикрива времето на рас и потешко е да ги забележите нерамните врвови кога секој прамен се витка и движи во друг правец. Но, ако имате пократка коса треба да ја кратите на секои 4 недели за да задржите уреден изглед.
Ако се одлучите за слоевит изглед со шишки исто така ќе треба почесто да одите на фризер за да го задржите обликот на косата.