Проблемите и болките во желудникот се закана за секого, без разлика на годините и полот. Во него постојат неколку видови на микроби кои играат клучна улога во зачувување на здравјето на желудникот, а за тој да се чувствува добро треба да ги одржувате тие микроби задоволни.
Исхраната е најважна кога се работи за здравјето на желудникот, па затоа ако сакате да имате „среќен“ желудник, мора да жртвувате дел од лошата храна која ја внесувате.
Научниците открија нов вид помеѓу трилионите микроби кои живеат во човечкиот дигестивен систем, кои имаат многу важна улога за одржување на здравјето на желудникот и кои го одржуваат имуниот систем. Вашата исхрана е најважна во одржувањето на овие микроби, а експертите велат дека одредени видови храна го одржуваат балансот во организмот и спречуваат воспаленија и инфекции. Овие видови храна се наречени пребиотици и дел од нив се аспарагусот, бананите, лукот и артичоката.
Пробајте да одржувате исхрана богата со влакна, бидејќи таа не го оптоварува желудникот и му ја олеснува работата. Јаболките и зрнестите плодови се идеални за ова, но препорачливо е да се консумира и леќа, грав и боранија, за да се надополни исхраната.
Во исхраната вметнете и ферментирани производи, како природен јогурт, кефир и комбуха. Овие производи ги поттикнуваат здравите бактерии во желудникот и го олеснуваат варењето на храната. Научниците открија дека јогуртот може да ја поништи нетолерантноста на лактоза кај децата, па затоа се препорачува тие да пијат јогурт барем еднаш дневно. Не се препорачува консумирање на засладен јогурт бидејќи шеќерите кои се наоѓаат во него ќе направат повеќе штета отколку добро.
Избегнувајте храна со вештачки засладувачи. Најзастапен засладувач е аспартанот, кој се наоѓа во скоро секоја слатка преработена храна а големи количини од него се наоѓаат во пијалакот „Coca Cola“. Кај децата, наместо кашички се препорачува домашно направена храна, а многу доктори препорачуваат мајките да ги дојат децата барем до шестмесечна возраст.