Португалецот го погоди победникот давајќи му најмногу бодови на Левандовски, Меси си гласаше за другар му Нејмар, додека Полјакот бил импресиониран од Жоржињо.
Синоќа полскиот голгетер од редовите на минхенски Баерн, Роберт Левандовски, втора година по ред се закити со најпрестижната награда за фудбалер на годината, онаа на ФИФА.
Гласаа навивачи од цел свет, но гласаа и капитените на сите репрезентации членки на ФИФА, нивните слектори, како и одбрани медиуми.
Во конечниот пласман Левандовски победи со 48 гласови пред Меси кој освои 44, а трет заврши Салах со 39.
Кристијано Роналдо гласаше како капитен на Португалија од чие име најмногу гласови му даде на Левандовски, потоа на Н'Голо Канте, и на крај на Жоржињо.
Лео Меси гласаше како капитен на Агентина и не гласал за ниту еден од тројцата финалисти. На првите две места ги пишал имињата на неговите соиграчи од ПСЖ - Нејмар и Килјан Мбапе, а третиот глас му го дал на Карим Бензема.
Роберт Левандовски најимпресиониран изминатата 2021 година бил од италијанскиот репрезентативец Жоржињо, додека второто и третото место им ги доделил на „вечните“ Роналдо и Меси.
