Џејсон Луис, австралиски актер и модел, остана запаметен по улогата во серијата „Sex and The City“, кога ги мамеше воздишките на гледачите.
Во серијата Луис го глумеше неодоливиот Смит Џерод, кој успеа да ја скроти атрактивната Саманта Џонс. Денес има 50 години и промовира малку поинаков имиџ, но уште важи за секс симбол.
Ликот на Смит беше во љубовна врска со Саманта која му помогна да го оствари својот сон и да ја развие својата манекенска кариера во актерска. И не случајно се разви таква приказна околу неговиот лик.
Актерот неодамна откри дека не добил ниту покана за учество во новата сезона на серијата што сега се емитува под наслов „And Just Like That“, во која го нема ни ликот на Саманта (Ким Катрал). Сепак, 12 години откако последен пат го видовме во улогата на Смит, Џејсон уште е во неверојатна форма и изгледа можеби подобро од било кога.
Овој 50-годишен актер е познат и по епизодните улоги во сериите „House“ и „Grey’s Anatomy“. По завршувањето на серијата, тој се пресели од телевизискиот екран на филмското платно и сними филмови како „The Jacket“, „The Death And Life Of Booby Z“ и „The Attic“, а во „Running Wild“ партнерка му е Шерон Стоун.