Британската ТВ ѕвезда Вики Мишел глумеше во популарната серија „'Allo 'Allo!“, што е и нејзина најпозната улога, а 31 година по излегувањето на последната епизода ќе видиме како изгледа денес.
Имено, 72-годишната актерка неделава се појави во британската серија „EastEnders“ и изјави дека се чувствува половина помлада, по ја откри и тајната за својот изглед.
„Никогаш не правев никакви корекции на лицето, без ботокс и пластични операции. Секогаш ја вадам шминката и го хидратизирам лицето“, рече таа.
„Мама секогаш ми велеше: 'Не излегувај без шминка', така што тоа никогаш не го правам“, призна.
Воедно, рече и дека својот изглед го должи на добрите гени: „Фала му на Бога за моите гени. Никогаш ништо не сум правела и сум горда на тоа. Слушнав дека се појавило и природно затегнување на лицето, па тоиа би можела да го направам“.
Го искажа и својот став за естетските операции велејќи дека денес сите изгледаат исто, како и дека таа е задоволна со тоа како изгледа.
„Јас сум глумица, моето лице мора да се поместува“, порача таа.
Призна и дека се чувтсвува како да има 35 години, но и дека како што старее добива с поинтересни улоги.
Мишел е најпозната по улогата на Ивет Карт-Бланш во ситкомот „'Allo 'Allo!“ на BBC. Ја глумеше и Патриша Фостер во сапуницата „Emmerdale“.