Густ слој шминка, свечен фустан и фризура – сето ова звучи како подготвување на една возрасна жена за присуство на свечена пригода, но всушност беше реалност за едно 4-годишно девојче кое едно време ја носеше титулата за најубаво во светот.
Иден Вуд беше една од ѕвездите на реалното шоу Toddlers & Tiaras, а светот се запозна со нејзината слава кога имаше девојчето имаше четири години. Дури и претходно мајката ја подготвувала Иден за нејзината голема улога. Уште на 2 години ја носела во солариум, а на нејзиното мени имало нискокалорични намирници и енергетски пијалаци за да расположението на девојчето биде на врвот.
Секогаш дотерано како кукла, девојчето стана заштитно име на ова реално шоу, освојувајќи ги симпатиите со нејзините сини очи и руса коса. Без разлика што победи на 300 натпревари и беше прогласена за најубаво девојче во светот, последиците од ваквиот стил на живеење се одрази кај неа. Иако се наведува дека „минала“ најдобро за разлика од останатите кандидатки во емисијата, поради претерувањето во исхраната и третманите за убавина Иден често трпела силни главоболки и проблеми со желудникот. На крајот, во емисијата доживеала и „нервен слом“, а нејзината мајка Мики секојдневно ја тепала за да девојчето се навикне да се носи со стресните ситуации.
Подоцна, Мики доби предупредување од социјалните служби дека детето може да ѝ биде одземено, а Иден на 6-годишна возраст се откажа од емисијата Toddlers & Tiaras. Потоа продолжи со понежно темпо. Доби сопствена емисија Eden's World и се обиде во актерските води.
Денес има 17 години и зад неа се неколку филмови и автобиографска книга што ја напиша.
Во една прилика изјави дека сака да започне своја линија на облека, работи како модел и на социјалните мрежи објавува најразлични содржини.
Иако Американците се препознатливи по бројните контроверзни шоу емисии, сепак гледањето деца облечени како возрасни жени веројатно е најлудата идеја досега.