На територијата на поранешна Југославија името Тајчи долго ќе се памети.
Татјана Камерун, претходно Матејаш, на сите позната како Тајчи, се прослави благодарение на хитовите како „Hajde da ludujemo ove noći“, „Moj mali je opasan“, „Ti nemaš prava na mene“. Ја претставуваше Југославија и на Евровизија во 1990 година со најголемиот хит „Hajde da ludujemo“, а со тогашниот младешки дух и шарм неодоливо потсетуваше на Мерилин Монро.
Сепак, по војната, Тајчи се повлече од музичката сцена и се пресели во Америка за да студира. Таму ја запозна љубовта на својот живот – пијанистот и композитор Метју Камерун, но нејзиниот сопруг за жал почина пред три години.
Таа моментално живее во Америка со трите сина, а минатата година напиша автобиографија.
Медиумите пренесуваат дека познатата пејачка со денови одмара на хрватското приморје заедно со своите синови и со задоволство споделува фотки на Instagram.
