Познатиот производител на пневматици Goodyear, го претстави џиновското решение за гума наменета за теренските возила со голема носивост.
Компанијата ги спореди своите гуми GP-4D со едно од најголемите и најтешки копнени животни - африканскиот носорог.
Гумата е висока 1.8 метри, што е приближно колку висината на голем возрасен црн носорог. Покрај тоа, кога гумата е напумпана на пропишаните 6,5 бари, може да носи товар тежок 22,4 тони - што е еднакво на тежината на 28 возрасни црни носорози.
Серијата Goodyear GP-4D е наменета за големите камиони кои носат руда и сличен тежок товар, а можат да се користат на разни подлоги без разлика дали е земја, кал или пак камена подлога.