Иако ваквите колекции редовно се паркираат во климатизирани гаражи далеку од љубопитните очи, оваа колекција е на отворено.
Ја сними влогерот effspot, кој случајно налетал на неа во дел од аеродромот во Лос Анџелес.
Севкупно, можно е да се избројат 13 хиперспортски автомобили. Во првиот ред се Porsche 918 Spyder и два McLaren, Sabre и Speedtail. Веднаш позади е специјалното Porsche 911, а до него се Pagani Huayra и Lamborghini Centenario. Понатаму, можете да видите неколку Koenigsegg, Ford GT, Laferrari и секако Bugatti Chiron. Врвот на колекцијата е Aston Martin One-77.
Зборуваме за колекција вредна над 50 милиони долари, кога овие возила би биле ставени на аукција.
Приказната зад оваа колекција не е позната, дали станува збор за промена на сопственикот или дали колекцијата е само преместена на нова локација. Едно е сигурно, а тоа е дека ова автомобилско богатство нема уште долго да стои вака на отворено.
Нам, смртниците, ни останува да уживаме во глетката, да фантазираме и да избереме омилен автомобил.
