Скоро два месеца на островот Ла Палма не мирува вулканот Кумбре Виеха, постојано исфрла магма од длабочините на Земјата, така што не се ретки ни таканаречените лава бомби.
Геохемичарот Хари Гајгер од германскиот Универзитет Алберт-Лудвиг со меѓународна екипа научници ја испитува ерупцијата на вулканот. Во текот на еден од истражувачките излети во близина на островот ги изненади лава бомба која со голема брзина се спушташе низ падината.
Според истражувачите, истата тежела околу половина тон, а во текот на инспекцијата се почувствувала жештина од јадрото чија температура била поголема од 900 степени Целзиусови.
Лава бомбите се многу опасни бидејќи како проектил може многу лесно физички да ги уништат објектите на кои паѓаат и да предизвикаат пожар.
Така, во 2018 година лава бомба со големина на кошаркарска топка погоди туристички брод кај брегот на Хаваи, повредувајќи дваесетина луѓе, додека четворица завршија во болница.