Швајцарскиот снабдувач на утврдени подземни резиденции Oppidum воведе бункери L'Heritage за луѓе кои сакаат да живеат во луксуз дури и во случај на апокалипса. Бункерите Opidum L'Heritage се безбедна локација за богати поединци со богатство од повеќе од 100 милиони долари.
Бункерот е дизајниран од францускиот архитект Марк Пригент, а опфаќа и до 1.000 квадратни метри простор кој е прилагоден на секојдневниот живот и деловните активности. Има сè, од спални, бањи и кујни до конференциски сали.
L'Heritage може да се прилагоди на индивидуалните потреби и може да биде опремен со внатрешна градина, спа центар со базен, галерија за приватна уметничка колекција, па дури и гаража за флота од десет луксузни возила.
Се разбира, безбедноста е на прво место. Бункерот е опремен со интегриран комплексен безбедносен систем кој ве штити од потенцијални провалници. Има и фиксна безбедносна врата со биометриски читач што истовремено скенира ирис, дланка и отпечатоци од прсти, така што само вие и вашето семејство можете да влезете во бункерот.
Внатре во бункерот има и два системи за филтрирање на воздухот и индустриски генератори кои им овозможуваат на сите системи во бункерот да работат без никакви проблеми.
