Audi отвори нов центар посветен на безбедноста на автомобилите.
Центарот за безбедност на возила на Audi се наоѓа во базата на Audi во Инголштад, а од компанијата велат дека изградбата чинела околу 100 милиони евра. Станува збор за огромен комплекс во кој централната локација добива простор за изведување крeш-тестови.
Изградена е писта долга 250 метри за да се вршат креш-тестови, на кои т.н. „зона на судир“ со димензии 50 x 50 m. Опремата вклучува голем блок за судир со тежина од дури 100 тони кој може да се помести и ротира во согласност со пропозициите на тестовите. Постои и можност за изведување на судир на два автомобили под агол од 90 степени.
За да може да се провери безбедноста на сите патници, во тестовите ќе се користат 60 различни патнички модели, од 18-месечно дете до возрасен модел тежок 102 килограми. Софистицираните думи за тестирање THOR се опремени со 150 сензори, што овозможува детална анализа на последиците од несреќата и влијанието врз патниците.
Покрај целосно опремената област за тестирање, има и интегриран ИТ оддел каде се вршат симулации на судир. Од Audi велат дека пред секој креш-тест се вршат околу 60.000 пресметки за до 100 различни товари.
Зградата е со плански димензии 130 x 110 метри и е висока 20 метри, а во неа постојано ќе бидат вработени околу 100 вработени. Од Audi велат дека со отворање на нови капацитети нивните автомобили ќе станат уште побезбедни.
