Видеото објавено на Twitter профилот Damn Thats Interesting покажува „одблиску“ како изгледа плетењето на пајакова мрежа.
На профилот каде се објавуваат видеа од „луѓе кои прават импресивни работи“, беше споделено видео на кое се прикажани вештините на пајакот.
Видеото нуди забрзан поглед одблиску за тоа како изгледа процесот на плетење на мрежата.
Во описот на објавата, креаторот напишал дека „мрази пајаци“, но дека овој на видеото е особено талентиран.
Видеото е прегледано речиси милион пати, а многумина коментираат колку импресивно изгледа плетењето на мрежата.
„Следниот пат кога ќе поминам покрај пајакова мрежа, ќе се сетам на оваа од видеото и колку труд всушност е потребен за да се направи тоа“, напишал еден воодушевен корисник.