Дали некогаш сте посакале да гледате серија базирана на две хит игрици - „The Last of Us“ и „Mario Kart“?
Доколку сте љубители на извртени спојки, тогаш најновиот SNL скеч трејлер е токму за вас. Оваа американска хумористична емисија, која се емитува веќе 47 години, често вика познати личности да ја водат програмата, а најновиот водител беше Педро Паскал, ѕвезда на „The Mandalorian“ и на најновата хит серија на HBO, „The Last of Us“.
По монологот кој водителите традиционално ги водат на почетокот, Паскал за потребите на забавниот дел сними неколку скечеви во кои, помеѓу останатото, глумеше пациент кој се буди од кома, мајка која премногу се грижи за својот син, наставник кој не разбира зошто учениците за него прават TikTok клипови, но и Супер Марио, популарниот лик од видео игриците, во скеч трејлер кој црпи инспирација од серијата „The Last of Us“ и од „Mario Kart“.
Доклолку сакате да видите како изгледа Педро Паскал во улогата на најпознатиот водоинсталатер од видео игриците, не пропуштајте да го изгледате скеч трејлерот „HBO Mario Kart“.