Шокантни снимки од хируршка сала во Кина прикажуваат како изгледаат белите дробови на 52-годишен човек кој константно пушел цигари 30 години.
Лекарите од кинеска болница во провинцијата Џиангсу ги извадија органите на 52-годишен маж кој починал, а претходно се пријавил да ги донира органите по неговата смрт. Неговите бели дробови биле воспалени и јагленосани. Лекарите брзо сфатиле дека нема да можат да ги искористат за да спасат нечиј живот.
Доктор Чен, хирург за трансплантација на бели дробови кој ја водел операцијата изјави:
„Пациентот не беше изложен на ЦТ преглед пред смртта. Кога беше прогласена мозочна смрт, неговите бели дробови беа трансплантирани брзо потоа. Почетните тестови на индексот на оксигенација беа во ред, но кога ги видовме органите, сфативме дека нема да можеме да ги употребиме. Би било непрактично да кажеме дека не би ги прифатиле сите бели дробови од пушачи, но постојат строги стандарди. Претходно прифаќавме бели дробови од луѓе помлади од 60 години, со помали инфекции“.
Видеото од операцијата во болницата е прегледано повеќе од 25 милиони пати на социјалните мрежи, а корисниците го прогласија за „најдобра реклама против пушењето“.
„Дали сè уште имате храброст да пушите?“, прашуваат од болницата.