Дали знаете како изгледа кабина за персонал на огромните бродови за крстарење? Вакво нешто досега не сте виделе, освен ако не сте биле персонал на крузер.
Собите наменети за сместување на вработените на бродовите за крстарење се исклучително компактни и функционални поради ограничениот простор. Дора Плетикоса, Хрватка која работи на еден таков крузер, преку својот Instagram профил откри како изгледаат овие соби, особено собата на нејзиниот пријател Арчи. Дора во неколку објави сподели детали за тоа како е опремена просторијата и како функционираат инспекциите.
Еден од најинтересните детали е тоа што вработените во кабините треба секоја недела да подлежат на инспекција, за да проверат претпоставените дали сѐ е во ред. Дора објасни дека стандардот за одржување на кабината е многу висок. Просториите мора да бидат беспрекорно чисти, подот да биде изметен и ѓубрето исфрлено. Исто така, сите апарати и светла мора да бидат исклучени за да се избегне ризик од пожар.
Бидејќи собите често се наоѓаат под нивото на морето, нема прозорци, а единствените „гости“ на бродот се кучињата чувари, додека инсектите и другите животни се „исклучени“. Дора истакна дека нејзината соба значително се разликува од другите. Се наоѓа на третиот кат и има прозорци, а површински е многу поголема и поприватна, додека многу вработени делат кабини. Повеќето од кабините на бродот се опремени со кревети на спрат и минимален простор, а просторот мора да се искористи на најефикасен можен начин, што е особено важно за оние што работат 9 месеци на бродот.
Нејзиниот пријател Арчи покажа како ги организира своите работи и што му помага за максимално да го искористи својот простор. Тој исто така истакна дека тоалетот во собата е најмалиот што некогаш го видел, што е уште еден предизвик за живеењето на брод.
