На овие рендгенски снимки се прикажани бели дробови на двајца пациенти - и двајцата заразени со коронавирус. Едниот беше вакциниран, а другиот не.
„Само невакцинираните се разболуваат од тешка форма на болеста. Тие често имаат потреба од кислород или им треба респиратор. Вакцинираните пациенти инфицирани со коронавирус имаат подобар проток на воздух во нивните бели дробови и повеќето од нивните бели дробови се обоени во црно на овие слики, што значи мало или никакво оштетување на белите дробови“, изјави д-р Сем Дурани за Mirror, каде беа објавени снимките.
Кај невакцинирана личност, се гледа дека белите дробови се доста оштетени и протокот на воздух е ограничен.
Ризикот од смрт е 11 пати поголем доколку лицето не е вакцинирано
„Ако се заразите и сте вакцинирани, најверојатно ќе развиете поблага форма на болеста“, рече Дурани, додавајќи дека вакцините делуваат.
Вакцините биле успешни во спречувањето на сериозни болести и смрт кај повеќето луѓе кои се инфицирале со COVID-19, но сепак нема да делуваат кај сите.
Некои примиле две дози, но сепак ќе завршат во болница. И покрај тоа, тие ќе имаат значително подобра состојба на белите дробови во споредба со оние без вакцинска заштита.
Податоците на американскиот CDC покажуваат дека ризикот од смрт од коронавирус е 11 пати поголем кај невакцинирано возрасно лице во споредба со лице кое е вакцинирано.
