Илјадници поддржувачи на републиканскиот кандидат одржаа митинг со автомобили во сојузната држава Аризона.
Поддржувачите на Доналд Трамп митингот синоќа го почнаа од главниот автопат во Пеорија, најголемото предградие на Феникс од каде се упатија кон северозападниот излез од градот.
Автомобилите накитени со американски знамиња и пароли за поддршка на Трамп навлегоа длабоко во блиската пустина, а проценките велат дека имало околу 7 илјади автомобили.
Трамп денеска пристигна во Аризона каде ќе одржи два митинга. На изборите се очекува тесна битна токму во Аризона помеѓу него и Џо Бајден.