Romeo Ferraris го разубави најмоќниот SUV модел на Alfa Romeo. Покрај дополнителната моќност, Stelvio Quadrifoglio доби специјална боја што ја менува нијансата во зависнот од прекршувањето на светлината на површината на возилото.
Alfa Romeo Stelvio Quadrifoglio веќе беше импресивен модел со неговиот V6 twin-turbo мотор со неверојатни 510 коњски сили.
Тјунерската куќа Romeo Ferraris одлучи да го направи уште подобар, па погонот го зголеми на 556 коњски сили, а аксималниот вртежен момент на 660 Nm (од фабричките 600 Nm).
Од компанијата тврдат дека вака модифицираниот Stelvio Quadrifoglio достигнува брзина од 290 км/ч, во споредба со стандардните 283 км/ч.
Благодарение на бојата со специјален ефект на прелевање, овој моќен ѕвер доби и неверојатна надворешност – екстериерот варира од темнозелена, преку бронзена до виолетова нијанса.
И тоа не е сѐ : Romeo Ferraris ги опреми некои од елементите на каросеријата - како маската на ладилникот, кваките на вратите и куќиштата на ретровизорите – со материјал од карбонски влакна, а тркалата добија нови десеттокраки 20-инчни алуминиумски фелни од компанијата OZ.