Со заминувањето на Up! Volkswagen остана без евтин модел. ID.1 треба да ја промени таа слика.
Моментално најевтиниот модел е Polo, но тој одамна е надвор од фокусот во корист на малиот кросовер T-cross. И токму во овој ценовен опсег лежи идниот електричен новитет, чии контури ги откри самиот производител пред неколку дена.
Сега, од истиот извор, доаѓаат и првите официјални скици на концептот кои ќе бидат откриени на почетокот на март. Поточно, на 5 март или речиси две години по концептот ID.2all кој го најави првиот електричен Volkswagen со цена до 25.000 евра.
Новиот модел, кој би можело да се вика ID.1, би требало да биде во цена од околу 20.000 евра, а ќе биде најавен по овој концепт, наводно регистриран под името ID.EVERY1 кај EUIPO (Европска канцеларија за интелектуална сопственост).
Потсетиме дека ID1 требаше да биде развиен во соработка со Renault. Сепак, Французите тргнаа по својот пат и веќе го открија новото Twingo кое доаѓа следната година. ID.1 излегува на патиштата една година подоцна. ID.1 и ID.2 ќе ја делат MEB Small платформата и ќе нудат само погон на предните тркала.
