Компанијата Škoda објави тизери за новата Fabia.
Seat и Volkswagen ги претставија освежените модели Ibiza и Polo, а сега е на ред потполно новата Škoda Fabia.
Моделот е базиран на MQB-AO платформата, а ќе биде претставен во мај. Засега се објавени само тизери за четвртата генерација на Fabia.
На рендерите се гледаат full-LED предни и задни светла. Новиот модел ќе биде подолг и ќе има поголем багажник.
Под хаубата се наоѓа четирицилиндричен 1,5-литарски мотор со турбополнач кој развива 150 КС и 250 Nm максимален вртежен момент.
Официјалното претставување е закажано за мај, а продажбата ќе започне во втората половина на оваа година.