За неколку години би требало да започне изградбата на првиот хотел во вселената, кој би требало да има ресторани, киносали и сместување за 400 гости.
Orbital Assembly Corporation и Gateway Foundation имаат големи планови за проектот наречен Voyager Station, најавен уште во 2019 година.
Се планира да биде изграден во ниската орбита околу Земјата во 2025 година.
Засега не се познати многу детали за трошоците на проектот, но од Orbital велат дека користењето ракети како Falcon 9 на SpaceX може да им помогне во одржувањето на релативно ниски трошоци.
Maxim пренесе дека Orbital Assembly Corporation се отворени за приватни инвеститори кои до 1 април можат да купат акции во компанијата за 0.25 долари по акција.