Поради пандемијата на коронавирусот патувањата се многу ограничени и многу луѓе со нетрпение го очекуваат отворањето на границите за да можат повторно да патуваат.
Долгите летови знаат да бидат исцрпувачки, но компанијата Spike Aerospace може да го промени тоа.
Spike Aerospace го дизајнираше футуристичкиот суперсоничен авион кој може да превезува луѓе од Лондон до Њујорк за само 90 минути.
Се работи за авионот Spike S-512 Supersonic Jet чиј изглед е откриен со објавување на рендери. Во внатрешноста има голем простор за седење, дел за оброци како и неколку телевизори.
Во авионот ќе има најмногу 18 седишта, а дизајниран е без прозорци. Новиот авион ќе биде економичен и тивок.
Во внатрешноста има големи екрани кои симулираат панорамски поглед, како и апарат за кафе и фрижидер со освежителни пијалаци.
Седиштата се претвораат во кревети, а може да послужат и како сала за состаноци.
Во почетокот летот ќе трае 3 и пол часа, а со текот на времето ќе се намали и ќе трае само 90 минути.
