Новите iPhone модели ќе бидат поинакви бидејќи ќе имаат поголеми екрани, нема да бидат заоблени и ќе имаат помали испакнатини, се наведува во новиот извештај на Bloomberg.
Новиот извештај во кој се опишуваат редизајнираните смартфони на Apple ја потврдува анализата на Mинг-Чи Куо кој минатата година зборуваше за рамните рабови кај новите iPhone смартфони кои потсетуваат на моменталниот iPad Pro, пишува The Verge.
Bloomberg известува дека пристигнуваат два iPhone Pro модели со три камери на задната страна кои го вклучуваат и новиот iPad Pro LIDAR систем за 3D скенирање. Не е познато дали овој систем ќе го заземе местото на една од трите постоечки камери на iPhone 11 Pro.
Извештајот вели дека најголемиот iPhone Pro ќе има поголем екран во однос на 6,5-инчниот iPhone 11 Pro Max.
Куо минатата година предвиде дека Pro моделите ќе имаат 5,4 и 6,7-инчен екран.
Од Apple не очекуваат дека пандемијата од коронавирусот ќе предизвика доцнење на новите уреди наведува Bloomberg, иако определените iPhone модели може да стигнат неколку недели подоцна од вообичаеното.