Постои добра причина да ја проширите вашата листа за пазарување наредниот пат кога ќе одите да купувате. Ново истражување покажува дека оние кои патат од запек може решение да најдат во едно вкусно овошје.
Новата студија спроведена од The American Journal of Gastroenterology откри дека консумирањето две киви дневно може да ја зголеми зачестеноста на спонтано празнење на цревата и да ја намали гастроинтестиналната болка кај луѓето со функционален запек или синдром на иритабилно дебело црево кој преовладува при запек.
Студијата ги споредила придобивките помеѓу консумирање на 6 грама диетални влакна преку две киви без лушпа и земање доза од 7,5 грама псилиум - додаток кој најчесто се користи за запек. Учесниците вклучувале здрави контролни лица и поединци со запек кои имале функционален запек, синдром на нервозно дебело црево или комбинација.
Истражувачите откриле дека консумирањето на две зелени киви дневно резултирало со клинички релевантно зголемување на спонтани движења на дебелото црево кај учесниците со запек.
Гастроинтестиналните (ГИ) симптоми исто така значително се подобриле кај сите учесници кои консумирале киви.
Студијата била релативно мала, вклучувала вкупно 184 лица, а се базирала врз база на минати истражувања за предностите на кивито при запек.
Една рецензија од 2018 година од European Journal of Nutrition ги припишува здравствените придобивки од кивито со способноста на диеталните влакна да задржуваат вода и природното присуство на протеолитичкиот ензим актиниди, кои придонесуваат за полесно варење на протеините во тенкото црево и желудникот.
„Во комбинација со претходните клинички испитувања на зелените киви и новите физиолошки податоци од функционалните студии, консумирањето на две киви може безбедно да се препорача како ефикасен третман за запек кај оние со функционални нарушувања на гастроинтестиналниот тракт, што исто така ќе обезбеди подобрувања на симптомите на гастроинтестиналниот тракт“, велат истражувачите.
Зголемувањето на бројот на докажани методи за намалување на запекот може да има големо влијание. Според прегледот од 2017 година, објавен од American Journal of Nursing, синдромот на иритабилно црево може да создаде неудобност во стомакот, надуеност и отежнато празнење на цревата.
Според прегледот на JAMA од 2021 година, овој синдром влијае на околу 7% до 16% од населението во САД и е најчест кај жените и младите луѓе. Спротивно на тоа, функционалниот запек не секогаш предизвикува абдоминална болка, но го прави движењето на дебелото црево тешко и ретко.
Влакната се, очигледно, клучен играч во третманот на синдромот на нервозно дебело црево и функционалниот запек. Тие исто така помагаат во намалување на холестеролот и ризикот од болести како што се рак на дебелото црево и дијабетес.
Се препорачува жените да земаат најмалку 25 до 28 грама влакна на дневна база, додека мажите најмалку 38 грама дневно.
Овошје, зеленчук, цели житарици, грав, јаткасти плодови и семиња се добар извор на влакна. За да сте сигурни дека ја исполнувате дневната препорачана доза за внес на влакна, размислете на вашето мени да додадете и киви.
Размислете да јадете по малку киви ако имате проблеми со запек. Редовното консумирање на ова овошје може да донесе значителни придобивки за намалувањето на запекот. Додека ја прилагодувате вашата исхрана, проверете дали овошјето делува за вас. Ако не ви се допаѓа киви, наместо тоа, обидете се со друга храна богата со растителни влакна или додаток за исхрана богат со влакна.
