Светот на модата понекогаш е чуден и несфатлив, а модните ентузијасти кои очајнички сакаат да бидат дел од него, изведуваат најневеројатни аутфити за да ги импресионираат фотографите, да се истакнат од толпата и да стигнат во потесните модни кругови.
Јутјуберите Зак и Џеј сакаа да проверат дали ќе успеат да инфилтрираат аутсајдер во Модната недела во Лондон и да ги измамат фотографите и медиумите дека нивниот пријател Макс, кој нема никаква допирна точка со модата, всушност е екцентричен млад модел кој носи екстравагантна облека.
Во овој 15-минутен филм тие објаснуваат како успеаја во нивната замисла и го протнаа Макс на Модната недела во Лондон како моделот Максимилијан Букурешт.
