За многумина мастурбацијата е начин за уживање, опуштање и подобро запознавање на своето тело и тоа што му годи. Позитивните ефекти од мастурбацијата на организмот се многубројни и некои не се исти кај мажите и кај жените.
1. Мастурбирањето ги прави жените уште посреќни
Особено за жените, мастурбацијата има големо дејство на самодовербата и свеста за себе и личниот изглед. Дава чувство на автономија и интегритет кога во прашање е телото.
2. Го подобрува сексот
Мастурбацијата е моќен начин да го запознаеме нашето тело и тоа што нè задоволува. Како реагира нашето тело на одредени стимуланси е особено важно кога нема да бидеме сами во кревет. Мастурбирањето може да нè доведе до поголемо уживање и со партнерот бидејќи подобро ќе бидеме упатени во тоа што ни одговара, која брзина, каков допир и слично.
3. Мажите ги штити од болести
Студија од Харвард покажа дека мажите кои почесто ејакулираат имаат помал ризик од рак на простата. Оние кои во текот на месецот просечно ејакулираат четири до седумпати имале зголемен ризик да заболат од оваа болест за разлика од мажите кои тоа го прават повеќе од 20 пати месечно.
4. Го продолжува животот
Друга студија која траела 25 години покажа дека луѓето кои почесто имаат оргазам се под помал ризик од прерана смрт.
5. Посреќни сме
Оргазмот кај двата пола доведува до ослободување на допамин, ендорфин и окситоцин, хормон на љубовта и поврзувањето со други.
Овие хормони го намалуваат нивото на кортизол, хормонот на стрес кој доведува до воспалителни процеси, несоница, проблеми со тежината. Повисокото ниво на окситоцин помага да се чувствуваме посреќни и поведри во текот на денот.
