Поради силни невремиња и разорни ветрови, властите во Венеција го активираа градскиот систем за одбрана од поплави, т.н. Mose, се наведува во твитот на градоначалникот Луиџи Бруњаро.
Во извештајот објавен денеска се вели дека властите очекуваат поплави од петок и дека нивото на водата може да се зголеми до 1,35 метри до среда навечер.
Метеоролозите очекуваат дополнително невреме во среда и четврток.
Подигнувањето на нивото на морето ѝ се заканува на Венеција
Системот за заштита од поплави Mose (Мозе) - чие име доаѓа од италијанскиот термин за Мојсеј - е дизајниран да ја заштити Венеција од бури. Се состои од 78 бариери кои градот може да ги подигне на три влеза и е во функција од 2020 година.
Проектот вреден милијарди долари е контроверзен: корупцијата, бирократијата и политичките и економските интереси долго ја одложуваат неговата изградба.
Експертите велат дека е можно од 2075 година системот да мора да биде активен во текот на целата година доколку климатските промени - а со тоа и порастот на нивото на морето - не се забават многу.
