Товарен воз кој преминувал преку мост над езеро во Аризона излетал од шините и предизвикал уривање на дел од мостот по што се вивнал во пламен.
Најмалку 90 пожарникари интервенирале гаснејќи го пожарот кој го зафатил возот. Нема информации за евентуални загинати или повредени во несреќата. Возот превезувал различен вид на товар, меѓу кој и некои лесно запаливи материјали.
Мостот е изграден над вештачкото езеро Темпи Таун кое го полни реката Колорадо, а се наоѓа во сојузната држава Аризона во САД. Езерото го дели градот Темпи на два дела.