Досега се нема случено астронаут на НАСА да се најде во ваква ситуација, а научниците сметаат дека никогаш и нема да се случи. Астронаутите никогаш не лебдат слободно, од моментот кога ќе излезат од Меѓународната вселенска станица се прикачени за неа со челична сајла. Доколку двајца астронаути се наоѓаат надвор од Станицата, тие исто така се поврзани меѓу себе, пишува Popular Science.
Во случај безбедносниот план да не успее, на грбот на астронаутите се наоѓа ракетен појас кој со својот притисок би ги вратил назад на Станицата. Оваа безбедносна мерка може да се употреби ако астронаутот е свесен. Но, што ако не е свесен?
Тогаш, останатите астронаути започнуваат спасувачка мисија. Но, факт е дека многу се мали шансите да се случи вакво нешто. Во најлошиот случај, вториот астронаут би одлетал до онесвестениот астронаут, би го фатил и би го вратил назад. Одредени услови би го олесниле спасувањето. Според Џим Оберг, кој 22 години работел во контролен центар за спасување на вселенски шатли, вели дека ако се случи астронаут да одлета во одреден агол од орбитата на станицата, орбиталната динамика диктира дека тој би се вратил назад во Станицата за еден час.
