Тестерите на Windows 10 почнаа да добиваат известувања за тоа дали нивниот компјутер е подготвен за новиот оперативен систем на Microsoft.
Досегашните проверки можеа да се прават со помош на алатката PC Health Check, но доколку имате Release Preview, целата работа е автоматизирана.
Доколку е сè во ред, ќе добиете порака во која вашиот оперативен систем ви честита на исполнувањето на минималните системски побарувања за Windows 11, со потенцирање дека можноста за инсталација ќе дојде подоцна.
Доколку ја немате таа среќа, системот ќе ви каже дека вашиот компјутер не ги исполнува минималните спецификации за инсталација на Windows 11.
