Реал Мадрид во соработка со полицијата одзеде 357 членски навивачки пропусници поради нивно препродавање за натпреварот со Барселона и отворена е истрага против 1.450 сопственици на годишни влезници, соопшти клубот.
„Со цел да се сузбие недозволеното користење на сезонските влезници, што го направија некои наши членови, Реал Мадрид соработуваше со полицијата и државните служби за безбедност и откри 357 лица на кои им се одземени пропусниците. Пред одржувањето на последниот натпревар на Сантијаго Барнабеу за ова првенство, дисциплинската комисија на Реал Мадрид отвори дисциплинска постапка за 1.450 членови бидејќи ги препродавале нивните членски пропусници“, стои во соопштението.
Во неделата, по голот на Меси во последен миг, беше забележан невообичаено голем број на навивачи на Барселона кои ја славеа победата од 3:2 на различни места од оние продадени пред почетокот на сезоната.
„На натпреварот имаше многу странци, Арапи кои платиле цело богатство за да влезат. Некои членови барале од 500 до 1.000 евра за пропусниците. За цената за тој еден натпревар против Барса може да се купи годишна влезница“, откриваат разни извори.
Ова е прва јавно објавена масовна акција против препродавачите на карти, отворени во изминативе неколку години.