Во неодамнешното истражување објавено во стручното списание Medical Hypotheses, истражувачи од САД и Саудиска Арабија ја опишаа директната корелација помеѓу нивото на тестостерон, воспалителните цитокини, прогресијата на болеста и полошите исходи кај мажи заболени од COVID-19.
Вирусот SARS-CoV-2 влегува во организмот преку мукозата, каде што влегува во алвеоларните епителни клетки преку рецепторите на ангиотензин-конвертирачкиот ензим II (ACE-2) и TMPRSS2. АCЕ-2 рецепторите играат клучна улога во белодробната заштита, а вирусното врзување со овие рецептори ја дерегулира таа заштита. Бидејќи ACE-2 се изразува и во Лајдиговите клетки во тестисите како конститутивен производ, тоа влијае на лачењето на тестостерон кај мажите заболени од COVID-19, објави News Medical.
TMPRSS2 е добро позната мета на андрогени рецептори чие активирање ги зголемува нивоата на TMPRSS2 во многу ткива. Изразот на TMPRS2 е значително поголем во белите дробови кај мажите отколку кај белите дробови кај жените.
Тестостеронот го модулира имунолошкиот одговор, и затоа ниските нивоа на серумскиот тестостерон негативно влијаат на биолошките маркери. COVID-19 пациентите кои имале ниско ниво на тестостерон развиле тешки симптоми и им било потребно и приклучување на респиратор.
Мажите имаат околу 7-8 пати поголемо ниво на тестостерон од жените. Студиите веќе покажаа дека COVID-19 влијае на мажите значително повеќе отколку на жените. Стапката на смртност кај мажи со КОВИД е двојно повисока од стапката на смртност кај жени со оваа болест.
Како што споменавме порано, пониските нивоа на тестостерон доведуваат до засилено регулирање на рецепторите домаќини ACE2 и TMPRSS2, што го олеснува влегувањето на коронавирусот во алвеоларните клетки, со што се дерегулира заштитата на белите дробови.
Намаленото ниво на тестостерон кај критично болните мажи негативно влијае на функцијата на ендотелните клетки и стимулира неисправен имунолошки одговор. Исто така, влијае на способноста на телото да се спротивстави на вирусот.
Врз основа на овие откритија, авторите претпоставуваат дека ниските нивоа на тестостерон директно корелираат со тежината на болеста и потешкиот клинички исход кај машките пациенти со COVID-19. Прекумерната дебелина кај мажите исто така го стимулира производството на повеќе проинфламаторни цитокини што предизвикува зголемена ранливост и посериозна состојба и клинички резултати.
Многу истражувања најдоа корелација помеѓу постепеното намалување на нивото на тестостерон и сериозните белодробни компликации што доведоа до прием на пациенти во одделенијата за интензивна нега, ставање на респиратор и полош исход на болеста. Од друга страна, високото ниво на тестостерон, исто така, се јавува како резултат на тромбоза, што е уште една смртоносна манифестација кај пациенти кои имаат КОВИД.
Затоа, истражувачите веруваат дека нивните откритија можат да им помогнат на лекарите да го променат начинот на лекување на машките пациенти заразени со коронавирус.
