Осмата генерација на најпродаваниот модел на Volkswagen беше ставена на тестот за безбедност Euro NCAP.
Новиот Golf 8 има свеж дизајн, напредна технологија и различни економични мотори, а целта му е да ја задржи титулата на најпродаван Volkswagen модел во историјата на германскиот гигант.
Сега „осумката“ беше ставена на тестот Euro NCAP каде „положи“ со пет ѕвездички – резултатите покажаа дека патничката кабина на овој Golf останала стабилна при фронтален удар.
Сепак, тестирањето покажа дека се отвориле задните врати, а тоа претставува опасност за патниците назад кои во случај на удар би можело да излетаат од возилото.
Генералниот секретар на Euro NCAP Михиел ван Ратинген изјави дека денес е реткост да се отворат задните врати при креш-тест и дека е многу важно VW да ја најде причината за тоа.
Новиот Golf исто така добро се покажал во поглед на заштитата во сте категории.
Опремен е со автономен систем за кочење во итни ситуации (AEB), кој е дел од стандардната опрема на „осумката“.
Одлично се покажа и во одбегнувањето судири во сите сценарија на тестот при помали брзини.
Покрај Golf 8, по пет ѕвездички за безбедност добија и Audi Q8, Ford Puma, MG HS и Nissan Juke.
Volkwagen Up, Škoda Citigo и Seat Mii изгубија по две од петте ѕвездички добиени на претходното тестирање.
