Maserati MC20, што е кратенка за Maserati Corse 2020, требаше да има премиера во мај годинава во фабриката Viale Ciro Menotti, но пандемијата на коронавирусот го одложи дебито за септември.
Од Maserati сѐ уште не откриваат детали, но се знае дека Maserati MC20 ќе биде суперспортски автомобил кој претставува природна еволуција на претходно мошне успешниот модел MC12. Од Maserati потсетуваат дека MC12 во текот на својата историја забележал 22 победи и 14 шампионски титули, од кои последната во 2010 година. Со MC20 во Maserati посакуваат да го вратат приматот на компанијата на тркачките патеки, а воедно автомобилот ќе претставува и почеток на нова ера за италијанската компанија и ќе добие и електрична варијанта.
Една од верзиите на Maserati MC20 ќе има 3,6-литарски V6 twin-turbo мотор со 613 КС, со осумстепен менувач со двојна спојка и со погон на задните или сите четири тркала. Потоа ќе пристигне и хибридната верзија, како и целосно електричната варијанта која ќе располага со три електромотори, погон на сите четири тркала, батерии од 800V, голема автономија на движење и брзо време за полнење.
Автомобилот ќе добие оригинална Ф1 технологија, а првите испораки се очекуваат во 2021 година. Една година подоцна ќе пристигне и Cabrio варијантата на моделот.
Како новиот Maserati MC20 ќе „крене“ 613 коњски сили? DriveTribe го имаат одговорот:
