Диего Марадона еднаш одговори на прашањето кој е поголем, тој или Пеле?
Уште една тажна вест го потресе фудбалскиот и спортскиот свет синоќа - почина Пеле. „Кралот на фудбалот“, легендарниот Бразилец, трикратен освојувач на Светското првенство, остави длабока трага во сите сфери и за многумина остана запаметен како најдобар фудбалер. Аргентинците сигурно нема да се согласат со таа оценка, бидејќи дури имаат песна дека Диего Марадона е поголем од Пеле, но еве што кажа „Ел Пибе“ за славниот „Крал“.
„Не, не. Марадона е Марадона, а Пеле беше најголем. Јас сум обичен играч. Не се обидувам да го имитирам Пеле, сите знаат дека тој беше најголемиот досега“, изјави Марадона и на тој начин покажа голема почит кон „Кралот“.
Кога Марадона почина на крајот на 2020 година, Пеле тешко го прифати и остави емотивна порака на социјалните мрежи дека се надева дека еден ден ќе играат заедно во рајот. Сега, кога и двајцата ги нема, светот остана без волшебниците кои нема да се повторат, со сета почит кон асовите кои дојдоа по нив и можеби ги надминаа во некои работи. Пеле ќе остане запаметен како трикратен светски првак и ас кој го направи Бразил фудбалска сила која никогаш не се повтори по него, иако ги освои титулите во 1994 и 2002 година, а во 1998 година играше во финалето во Франција.
Од друга страна, Диего Марадона за чудо ја одведе Аргентина до светскиот шампионат во 1986 година, четири години подоцна повторно ја одведе селекцијата до финалето во Италија, а во 1994 година беше дисквалификуван од Мундијалот поради допинг, иако играше во групната фаза. Со Пеле имаше врска полна со доближување и оддалечување, но меѓу двајцата остана огромна почит до крај.
