По празниците, најчесто не обзема мачно чувство на истрошеност. Како да го поправите јануари?
Следете го планот на Енди Коуп и Енди Вокер, авторите на книгата “Да се биде извонреден е уметност”:
- Вежбајте го принципот 10/5. Насмевнете му се на секој што ќе ви се приближи на 10 чекори, кажете му добар ден на секој кој ќе ви пријде на пет.
- Зборувајте убаво за луѓето кои не се присутни. Ем ќе се чувствувате убаво, ем луѓето со кои разговарате ќе мислат дека сте прекрасна личност (како што и навистина сте). Не озборувајте, говорете убаво за луѓето.
- Направете список на работи поради кои би требало да бидете благодарни. На пример: здравјето, семејството, љубовта… Доколку го славите Божиќ, поминете ги Бадник и Бадниковата вечер со семејството, без расправии и препукувања за било што.
- Божиќ е време за радост. Дури и доколку не го славите, ова е добар ден за да направите список на десет најсреќни моменти во животот. Кога ќе го завршите, ќе забележите дека сите десет имаат поврзаност со искуства и емоции, а не со материјални добра.
- Присетете се на личностите кои ви се нашле кога ви било тешко во животот. Јавете им се, пратете им порака и кажете им колку тоа ви значело.
- Променете го пристапот. Наместо да го прашате партнерот како го поминал денот, прашајте го што е најубавото нешто што му се случило во денот. Потоа, внимателно слушајте го и радувајте се заедно.
- Насмевнете се. Дури и кога свесно го правиме ова, нашиот мозок прима сигнал дека сме среќни и веднаш се чувствуваме подобро.
- Променете го аголот на гледање на работите. Наместо да чекате викенд или да преживувате до наредниот годишен одмор, уживајте во денот пред вас. И секој нареден.
- Запишете ги своите пет особини на кои сте горди.
- Кога ќе се соочите со проблем, оценете го на скала од еден до десет, каде десет е смрт. Доколку нема врска со десет, надминете го тоа.
- Поминувајте помалку време со виртуелните пријатели, а повеќе со вистинските.
- Пофалете ги луѓето околу вас за вложениот труд, а не за тоа што го постгнале на крајот.
- Доколку имате деца, читајте им пред спиење колку што сакаат. А потоа гледајте ги како зрачат со спокој во сонот.
- Поканете го на гости некого кого го сакате, а за кого обично немате време.
- Заинтересирајте се за други луѓе. Кога некого ќе го прашате како е, застанете и вистински слушајте што ќе ви рече.