Во успешното поместување на огромниот товарен брод Ever Given кој го блокираше Суецкиот Канал една недела, играше улога и среќата, пишува CNN.
Неделната полна Месечина предизвика плима во понеделникот што беше за околу 117 сантиметри повисока од нормалната, што значително го олесни процесот на израмнување и поместување на бродот, тврди НАСА.
Иако полната Месечина се јавува 12 до 13 пати годишно, само шест до осум случаи на полна месечина се поврзани со плима доволно голема за да се направи она што се случи во понеделникот - затоа што Месечината е најблиску до Земјата само за време на тие шест до осум случаи на полна Месечина, вели метеорологот на CNN, Џадсон Џонс.
„Не е невообичаено овие плими да бидат повисоки од другите во текот на годината кога Месечината е подалеку од Земјата“, рече Џонс.
„Несомнено е дека овие плими и осеки имаат големо влијание врз движењето на огромниот брод“, додаде тој.
Овие шест до осум случаи на полна Месечина се нарекуваат Супермесечини бидејќи се појавуваат поголеми и посветли на небото. Мартовската супермесечина беше прва оваа година.
За потсетување, сообраќајот на Суецкиот Канал продолжи во понеделникот, откако влечни чамци поминаа неколку часа работејќи на ослободувањето на Ever Given. Стотици бродови заробени во каналот продолжија да пловат.
