Постои цела филозофија за тоа како се јаде суши. „Сушито се јаде или со стапчиња или со прсти, но во никој случај не треба да се претерува со соја сосот“ вели суши мајсторот Суки од Sushi Seki во Њујорк.
Јадете го сушито со раце ако така ви е полесно. Иако мислите дека тоа е непристојно тоа не е никаков проблем, а и полесно ќе се справите со сушито кога мацкате во соја сосот пред да ви се лизне, падне и стане премногу солено.
Кога јадете нигири, свретете го на страна па подигнете го. Нигирито вообичаено има парче риба врз него па полесно е кога едното стапче цврсто го држи без тоа да се излизга.
Не претерувајте со соја сосот. Правилото за користење соја сос е да не го удавите сушито во зачинот бидејќи тоа ја нарушува хармонијата на вкусови.
Соја сосот е всушност зачин за нори алгата. Кога го потопувате сушито во соја сосот, направете го тоа со страната на сушито каде се наоѓа алгата, а она суши веќе зачинето со соја сос нема потреба дополнително да се мацка во зачинот.
За да не претерате со сосот земете ливче од ѓумбирот, потопете го во соја сосот и премачкате го вашето суши.
Ако сакате васаби, но ви е премногу јако подобро измешајте го со соја сосот освен кога јадете сашими кога васабито оди директно врз рибата.
Целта на ѓумбирот е да ги неутрализира непцата помеѓу јадењето повеќе типови на суши.