Закачувањето облека на закачалка може да претставува вистинска ноќна мора бидејќи не секое парче облека има широк околувратник низ кој можете да ја протнете закачалката без да ја тегнете облеката.
Меѓутоа, тоа ви се случува зато што веројатно погрешно ја користите закачалката и всушност постои правилен начин за тоа како облеката да ја закачите.
Тиктокерот Сидни Раз од САД открива како правилно се става облека на закачалка.
Во краткото видео вели: „Еве нешто што не го знаев додека не дојдов до 30 години. Полесно е да ставите облека на закачалка доколку таа ви е на рака“.
Сидни шокирано гледа во камерата додека ја демонстрира оваа техника користејќи дуксер, кој е посебно тешко да го закачите бидејќи најчесто имаат помали отвори кај вратот. Тој ја протнува раката низ отворот кај вратот, сѐ до долниот широк отвор каде ја фаќа закачалката за куката и ја протнува низ вратниот отвор.
@sidneyraz putting clothes on a hanger @zoethefreerangehuman #tipsandtricks #laundry #lifehack #todayilearned #howto ♬ original sound - sidneyraz
Неговото видео стигна до над 190 илјади прегледи, а многумина му се заблагодаруваат за трикот.
