Користењето машина за миење садови ги олеснува домашните работи и заштедува при рачно миење на секој предмет, но неправилното полнење на уредот може да ја намали неговата ефикасност.
Експертката за домаќинство, Бабс, позната како @Brunchwithbabs на TikTok, откри како „правилно“ да ја наредите машината за миење садови за секој предмет да биде блескаво чист.
Бабс најпрво издвои две вообичаени грешки што луѓето ги прават кога ја редат машината за миење садови. Таа објасни дека треба да ги изгребете остатоците од храна од садовите затоа што ако користите добар квалитетен детергент, нема потреба од претходно плакнење. На овој начин ќе ги отстраните честичките од храна пред предметите да влезат во машината, а детергентот ќе се погрижи за останатото. Потоа рече дека во машината за миење садови не се ставаат работи кои не се за таму, како дрвени предмети или кујнски ножеви.
Кога станува збор за правилното полнење на машината за миење садови, многумина имаат тенденција да ги ставаат предметите насекаде и да полнат онолку колку што ќе успеат да вметнат внатре, но Бабс откри дека има одредено место за секој кујнски предмет. Така, таа тврди дека сите предмети што се кршат, како чашите за вино, имаат место на горната полица, но треба да се стават меѓу запците, а не над нив, за да останат стабилни. Одозгора одат мали садови кои не треба да ги покривате, а меѓу садовите и чашите ставете големи садови.
Кога преминувате на долната полица, сите предмети треба да бидат свртени навнатре, а прскалката не треба да се заглавува. Бабс објасни дека ова ѝ овозможува на прскалката да допре до секој предмет и обезбедува темелно чистење. Таа потоа додаде дека ако перете тенџериња и тави во машината, тие треба да се стават напред.
Што се однесува до приборот за јадење, вели дека ножевите треба да се стават со сечилото свртено надолу, заради безбедност. Исто така препорачува групирање на приборот за јадење, со лажици во еден дел, ножеви во друг и вилушки во трет. Ова ќе го забрза процесот на празнење и потоа ставање на кујнските предмети на соодветното место.
