Филм & ТВ

Како реагираше Кијану Ривс кога дозна дека е омилениот човек на интернет?

14. јуни 2019 - 14:25 | А.С.

Кијану Ривс стана омилената личност на интернет откако на социјалните мрежи се раширија сведоштва за неговата приземјеност и непосредност и општо опуштен став кон светот и луѓето.

На премиерата на филмот „Toy Story 4“ во кој го позајмува гласот на Дјук Кабум, новинарка на People го праша како се чувствува во врска со тоа дека ја добил титулата „дечко на интернетот“ (internet’s boyfriend) што е термин за човек кој е општо обожаван од многу луѓе на интернет и никој не може да каже или да помисли нешто лошо за него.

Реакцијата на Кијану е толку симпатична и шармантна, што уште еднаш докажува колку е приземјен и не е полн со себе си.

Тој само срамежливо рече дека „позитивноста е секогаш супер“.

Социјалните мрежи се преплавени од примери за тоа колку е прекрасен Кијану Ривс за кој дури неодамна се дозна дека со години донира пари за детски болници, а се залага и за правата на животните и зборува за важноста на помагањето, позитивниот став и тоа да бидеме добри едни со други.

Неговата приземјеност, великодушност и големо срце се инспирација за многу луѓе кои не можат да се воздржат од покажување колку го обожаваат Кијану Ривс, а овие мемиња најдобро го покажуваат тоа.

Коментирај