Кристијано Роналдо имаше неславно деби со Јувентус во Лигата на шампионите. Португалецот синоќешниот дуел со Валенсија на гостински терен го заврши по само 29 минути, откако судијата Брих од Германија му покажа црвен картон.
Исклучувањето за Роналдо е прво во неговата кариера во настапите од Лигата на шампионите. Судијата му покажа црвен картон бидејќи наводно го удрил и се обидел да го потегне за коса противничкиот играч Муриљо.
Роналдо многу емоционално ја прифати казната за која многумина сметаат дека е престрога.
Инаку, на Валенсија не и помогна ниту предноста од играч повеќе. Крајниот резултат беше 2:0 за гостите од Торино.
А вака изгледаше драмата од трибините:
