Во римско време, тоалетите биле јавно и удобно место. Луѓето ги користеле седејќи еден до друг, без никакви прегради помеѓу нив.
Денес нам тоа ни е незамисливо. Одењето во тоалет, било по мала или голема нужда, е приватна работа.
Остатоци од римските тоалети можат да се најдат на многу археолошки наоѓалишта. Варираат во големина и облик. Некои се полукружни, други правоаголни, а оние тоалети кои се нарекувале приватни, во денешна смисла воопшто не би биле приватни бидејќи биле за 10 луѓе.
Римјаните јавните тоалети ги нарекувале foricae, додека самиот тоалет се викал privies.
Старите Римјани тоалетите дури ги спомнувале и во епиграмите (кратки лирски песни). Пример:
„In omnibus Vacerra quod conclavibus
consumit horas et die toto sedet,
cenaturit Vacerra, non cacaturit“.
Или во превод:
„Во тоалет Вакера часовите ги консумира
Цел ден тој таму седи,
Да вечера Вакера сака, не да кака“.
Често ѕидовите од јавните тоалети биле украсени со фрески, најчесто од борачи кои се натпреваруваат.
Некои вклучувале и фонтани како украси за пофина атмосфера.
Богатите жители имале свои тоалети во домовите.