Некои луѓе ја гледаат иднината на бизнисот и трговијата во криптовалутите, додека останатите тврдат дека тоа е „само меур“ кој ќе прсне и сите ќе останат без нивните заштеди. Без разлика на која од двете страни се наоѓате, неизбежно е да ги сретнете криптовалутите околу вас, а посебно биткоинот.
Биткоинот во последните неколку месеци имаше вртоглави промени на вредноста, кои беа константна тема на разговор во светот.
Големите имиња на светскиот бизнис се целосно поделени кога е во прашање темата за криптовалути, едните велат дека вреди да се инвестира во нив додека другите велат дека тоа не е ниту доволно реално за да биде забележано како економски феномен.
Пред само една година вредноста на биткоинот изнесуваше 1.180 американски долари за еден биткоин токен, а пред точно три месеци, односно пред крајот на минатата календарска година таа забележа огромен раст и изнесуваше 8.201 долар. Валутата продолжи да расте и во наредниот период, кога точно пред да се смени бројката на календарот, таа имаше вредност од 13.975 долари, кое воедно беше и најголемата вредност што ја достигна биткоинот досега.
Во рок од еден месец се случија многу флуктуации на вредноста на биткоинот и тој полека почна да паѓа, што предизвика многу сомнежи и разговори за тоа дека оваа криптовалута никогаш нема да успее да биде постојан дел од светската економија.
На крајот на месец јануари имаше вредност од 11.399 долари, додека пред само една недела вредноста падна на 9.844 американски долари.
Сепак, во последната недела изгледа дека состојбата полека се стабилизираше и повторно ја врати вредноста од над 10.000 долари, односно моменталната вредност ѝ е 10.218 американски долари за еден биткоин токен.