Пред Исламската револуција во 1979 година, Иран бил многу поразлична земја од денес. Жените имале свои права, што значи дека можеле послободно да се облекуваат.
На жените им било дозволено да носат облека што тогаш, како и денес, биле израз на слободата. Фотографиите направени низ улиците на Иран и оние објавени во модните списанија најдобро го докажуваат тоа.
Исламската револуција донесе серија протести и политички промени во Иран помеѓу 1977 и 1979 година. Монархијата под водство на Мохамад Реза Пахлави беше трансформирана во Исламска Република на чело со ајатолахот Хомејни.
Набргу по преземањето на власта, Хомејни донесе декрет дека сите жени мора да носат превез, без разлика на вера или националност, што е практика и денес.
Репресијата во Иран е исклучително силна, а јавноста беше шокирана од веста дека пред неколку дена починала Махса Амини, 22-годишна Иранка, откако била уапсена од полицијата за морал. Амини била во посета на Техеран со своето семејство, каде што била уапсена бидејќи наводно не била соодветно облечена.
Претседателот на Иран, Ебрахим Раиси, побара од министерот за внатрешни работи да го истражи овој случај. Неколку парламентарци најавија дека ќе побараат смртта на девојчето да се покрене и во законодавниот дом. Правосудните институции најавија дека ќе формираат посебно тело кое ќе ја води истрагата. Многу Иранки сега ги палат своите шамии на масовните протести против носењето хиџаб.