Лет од 19 часа без застанување можеби звучи како најлош кошмар за некои луѓе, но кога ќе полета авионот Airbus A350-900ULR (Ultra Long Range) на Airlines со број на лет SQ22, патниците во него ќе влезат во историјата.
Авионот што денеска треба да полета од Сингапур ќе патува до Њујорк 15.000 километри без попатни застанувања за нешто помалку од 19 часа и тоа ќе биде најдолгиот лет во историјата досега.
Полетувањето е закажано за 23:35 часот во Сингапур (11:35 во Њујорк, 16:35 во Лондон, 17:35 во Скопје) на 11 октомври и ќе слета на другата страна на планетата следниот ден во 6 часот наутро во Њујорк (11:00 во Лондон, 18:00 во Сингапур, 12 на пладне во Скопје).
Летот SQ22 ќе превезува 161 патник во бизнис класа и 94 патници во премиум економска класа. Билетот за бизнис класа им обезбедува на патниците два оброци со можност за бирање опции, освежувачки пијалаци и кревет за спиење. Премиум економска класа нуди три оброци и освежувачки пијалаци.
Меѓутоа, како е да се поминат повеќе од 18 часа во авион? Како ќе реагира на тоа човечкото тело? Како ќе се справи екипажот на лет? Како ќе се одржува ред и хигиена во авионското веце?
Овие прашања ќе бидат одговорени кога авионот ќе слета во Њујорк.
Засега се знае дека на летот ќе има двајца капетани на лет и 13 членови на екипажот кои ќе работат распоредени во смени, а секој од пилотите ќе има задолжителен одмор од осум часа за време на летот.